Tuesday, February 3, 2009

अशी झोपडपट्टी सुरेख बाई


  • माणूस चित्रपट पाहायला का जातो?
  1. मनोरंजन हवे म्हणून.
  2. जगाच्या समस्यांबद्दल काथ्याकूट करायचा असतो म्हणून.
  3. चित्रपट महामंडळ किंवा आपली ज्यांच्याशी घसट असते अशा गुंडांकडे भरपूर पैसा असतो म्हणून.
  4. दिग्दर्शकाचे आयुष्य किती कंटाळवाणे आणि किळसवाणे आहे, हे प्रेक्षकांना कळालेच पाहिजे म्हणून.

  • स्लमडॉग मिलिनियर अप्रतिम चित्रपट का आहे?
  1. तो पाश्चात्य दिग्दर्शकाने काढलेला आणि पाश्चात्याळलेल्या लेखकाच्या कादंबरीवर आधारीत आहे म्हणून
  2. त्याला प्रतिष्ठीत ऑस्कर पुरस्कारांचे नामांकन मिळालेले आहे म्हणून.
  3. त्यातील मोठ्या अभिनेत्यांपेक्षा लहान मुलांनी अधिक चांगला अभिनय केला आहे म्हणून.
  4. या वर्षी दुसरा कोणताच चांगला चित्रपट आला नाही म्हणून.
  • स्लमडॉग मिलिनियर याचा नक्की अर्थ काय आहे?
  1. झोपडपट्टीत राहणारी कुत्री कधीतरी लक्षाधीशही होऊ शकतात.
  2. झोपडपट्टीत लक्षावधींच्या संख्येने श्रीमंत लोकं कुत्र्याचं जगणं जगतात.
  3. लक्षाधीश असणाऱया व्यक्तींना झोपडपट्टीतील लोंक कुत्र्याप्रमाणे वाटतात.
  4. भारतीय़ लोकं आता लाखो रुपये कमावत असली तरी त्यांची खरी जागा झोपडपट्टीतच आहे.

  1. स्लमडॉग मिलिनियरमध्ये झोपडपट्टीतील जीवनाचे जीवंत चित्रण आहे, असे बहुतांश प्रेक्षकांना का वाटते?
    1. चित्रपटात झोपडपट्टीचे हुबेहुब दर्शन घडविले आहे.
    2. चित्रपटाच्या फ्रेम संथपणे हलत असल्या, की चित्रपटात काहीतरी जीवंत आहे असे समीक्षकांना वाटत असते.
    3. प्रेक्षकांनी कधी झोपडपट्टीचे जीवन जवळून पाहिलेले नसते.
    4. झोपडपट्ट्यांतही अलीकडे झपाट्याने आधुनिक जीवनशैली प्रवेश करत आहे.

  • स्लमडॉग मिलिनियरबाबतच्या कोणत्या गोष्टीला तुम्ही दाद द्याल?
  1. आपल्या मनातील ठाशीव प्रतिमा पडद्यावर उतरून त्यामागे मोठे संशोधन असल्याचा दावा करणाऱया दिग्दर्शकास
  2. केवळ ऑस्करसाठी नामांकन झालेले असल्यामुळे चित्रपटाबद्दल पाने भरभरून लिहिणाऱया समीक्षकांस
  3. हजारो फ्रेम्सच्या ठिगळांना फक्त जाहिरातीच्या बळावर चित्रपट म्हणून खपविणाऱया मार्केटिंगच्या तंत्रास
  4. दोन आठवड्यांपासून चित्रपटाचे खेळ जोरात चाललेले असतानाही गरीब मुलांसाठी चित्रपटांचे मोफत खेळ आयोजित न करणाऱया सामाजिक संघटनांना
  • थ्री मस्केटिअर्स ही कादंबरी काय आहे?
  1. इंग्रजी साहित्यातील मापदंड मानली जाणारी कांदबरी
  2. महापालिकेच्या शाळेतील तिसरीच्या विद्यार्थ्यांना लावलेले पाठ्यपुस्तक
  3. बाजारातील विक्रीमूल्य संपलेले एक पुस्तक.
  4. मानवी जीवनाबद्दल अडीच तासांत चिरंतन सत्य सांगणारा एक पवित्र ग्रंथ.
प्रतिक्रिया

2 comments:

  1. sahi aahe. mi suddha hya chirapatavar ek lekh lihila aahe,

    -abhi

    ReplyDelete
  2. Thanks Abhijit. I wrote about it as an honest protestation. Your article is also good.

    ReplyDelete